رد: على كرسي الاعتراف

اعتذر عن غيابي لان جنت مشغولة هليومين وما كدرت ادخل للمنتدى اعتذر

والنت هم مبزعني الله يساعدني علية

اوكي حيدر راح اجاوبك انت بس بيك تكتب اسالة وما تنطيني مجال حتى اجاوب لو انت على النت لو حسن

انجل هي عضو في منتدى مدينة راوة من مواليد 89

اسكن في راوة القديمة

هوايتي المفضلة قرات الاشعار وترتيب الديكور

سادس

راي عن الحب اجمل احساس وعن الفراق عذاب لا يطاق

الصداقة اجمل شي في الحياة

العلاقة حسب نوع العلاقة الصادقة الودية الكاذبة كلهة مصيرة النجاح او الفشل

الزواج مصير واستقرار كل انسان

الثقة نعمة للشخص الي عندة هاي الصفة وعزة نفس

مشاعري تجاة اسرتي هي مشاعر كل بنت تحب لاسرتة الحب والسلام والعيش بسعادة وامان

اني من اجاوب على الاسئلة احاول اذكر بس كل الاشياء الي بالي انساهة ما ادري ليش بس راح اجاوب على هذا السؤال تدري اجمل موقف بحياتي شنو هي من طلعت من المعتقل واحنة جنا متحضرين دنروح لسبعة خالي وما نحس بيك الا انت يمنة يعني صراحتا موقف ما انسا من الفرحة ومن الخرعة ومن كل شي يعني موقف لا يوصف صراحتا

منتدى كلش حلو وراقي كمواضيع وكااعضاء متميزين واني مستمتعة بي

بنت الفلوجة

سبق وان جاوبت على هذا السؤال

اوكيييييييييييييي انجل ماعجبتني اجوبتج
زين راح اسألج اسأله مرتبه
1_ اخر ماره اخذتي صور ايمته ههههههه
2_ شنيه الروائح الي تزعجج وتسوين حالج تدوخين ها ههههههههههه
3_ اكثر حلويات تحبيها شنيه
4_ايمته تكعدين من النوم الصبح ها ههههههههههه
5_ اخر مرا اكلتي رزاله من ايمج ايمته وليش
6_ اخر مرا اكلتي رزاله من ابوج مرتبه ايمته وليش
7_ وقت فراغج بالبيت بشنو تقضي
8_ شكد تستخدمين التلفون الارضي هااااااااااا
9_ من اكثر واحد يخرعج بالبيت ها ههههههههههه
10_ شنيه اكثر شغله تزعجج بالبيت
يلا جاوبي

وهاي باقي اجوبتي اعتذر عن التاخير بس والله كل مااجاوب على الاسئلة لو تنطفي الكهرباء قبل ما اخلص لو يروح الخط وبعد ما مكملة الله يكون بعوني
اني اومن بالجن كحقيقة بس مو كواقع

من هم اقرب الاعضاء الى قلبك؟؟؟
سبق وان جاوبت على هذا السؤال وراح اعيدة اني العضو الوحيد الي عندي اتصال ويا هي بنت الفلوجة فهي الاقرب الى قلبي

صف نفسك بكلمة
السلام
ماهو المثل الذي تؤمنين به؟؟
اني احب الامثال ودائما على كل شي اذكر مثل ماعندي مثل معين امن بي
هل تؤمنين بالحظ؟؟؟
اني ما اومن بي وانما كل واحد عندة وسيلة او طبيعة تعود عليهة دائما من يسوي فد شي يكول يبو على حظي صراحتا اني هم اكول يعني الواقع يكول اكو حظ حلو وحظ مو حلو

راضيه من حياتك؟
الحمدلله والشكر
ما هي امنيتك في الحياة؟؟
اتمنى ان اكمل دراسة واصير مدرسة بالمادة الي احبة واوصل الى الي اريدة
ماذا كنتي تتمنين ان تكوني قبل خروجك من السادس؟؟
ما كان بالي شي غير اكمل سادس وادخل جامعة
اللون المضل لديك؟؟
اني افضل اللون الجوزي والاخضر الفاتح يعني القهوائي والحشيشي
هل انت متدينه؟؟؟
الحمدلله اني راضية بلي اني علية وان شاء الله الله يثبتني على هذا الشي
ماذا تحبين؟؟؟(بشكل عام
احب شغلات هواية احب الواحد يكون صادق وياية بكل شي احب اكون صريحة مع الاخرين احب اقدر يلي يقدرني احب دائما اكون واثقة من نفسي ومقتنعة من اي شي واخيرا احب منتدى مدينة راوة

ماذا تكرهين؟؟؟(بشكل عام
الكرهة صفة سلبية والي يكرهة ما يحب بس اني اكرهة شغلات معينة مثل الكذب الصفة الي اكرهة حيل ما احب احد يحجيلي شكل وراية شي ثاني دائما افضل الي كلمتو وحدة ما تتغير اكرهة النفاق الى درجة ما احب الغدر

اوكيييييييييييييي انجل ماعجبتني اجوبتج
زين راح اسألج اسأله مرتبه
1_ اخر ماره اخذتي صور ايمته ههههههه
ها اي طبعا تدري بنفسك شنو مسوي اكيد اخر مرة اخذتة اليوم وانت خبلتني وما اخذتلي صورة براسة خير انصحكم نصيحة لا تخلون حيدر ياخذلكم صورة فد يوم لان راح يطلعكم مكلوبين بالمكلوب اليوم طفر روحي وما اخذلي صورة تعجبني ومن هو يريد ياخذ صورة لازم اخذلو اياهة على مزاجو وما فد يوم طكيتلو صورة وطلعت مو حلوة بس بصيطة منو بعد ياخذلك صورة
2_ شنيه الروائح الي تزعجج وتسوين حالج تدوخين ها
ههههههههه ليش يابة اسوي نفسي لازم مو مصدك لو دا اشاقة انت تدري اني من اشتم البانزين ادوخ ومن اركب بالسيارة هم ادوخ مدا اشاقة وانت طبعا من اركب بالسيارة تخلي الجامة مفتوحة حتى اشتم ريحة البانزين

3_ اكثر حلويات تحبيها شنيه
ههههههههه اني احب الكاكووخصوصا عمار
4_ايمته تكعدين من النوم الصبح ها ههههههههههه
ههههههه اني احب النوم ولان انام متاخرة اكعد متاخرة انت شعليك عليش غاير اقل وقت اكعد بي ب 10 واكثر شي اضل بي نايمة الى ل11 بس يعني قليل مو
5_ اخر مرا اكلتي رزاله من ايمج ايمته وليش
هههههه وانت شعليك اصلا ماما ما ترزني حتى لو ترزني رزالة بصيطة اخر مرة اليوم الصبح لان صاحتلي وتاخرت ما جيت عليهة فعصبت
6_ اخر مرا اكلتي رزاله من ابوج مرتبه ايمته وليش
هههههه ما رزني بابا حتى ما اذكر اخر مرة شوكت
7_ وقت فراغج بالبيت بشنو تقضي
اقضي اذا النت محد شاغلة يعني لا انت ولا حسن اني اكعد علية او على التليفون او التلفزيون او اشوفلي شغلة او بالحديقة يم الشط
8_ شكد تستخدمين التلفون الارضي هااااااااااا
هههههههه مو كثير انت تعرف شكد اني شعلية هي لسوالف تجي ونتاخر واحنا نحجي
9_ من اكثر واحد يخرعج بالبيت ها ههههههههههه
اي طبعا انت اكو غيرك مين ما شوفني مندارة او صافنة تجي تخرعني او اني اغسل اماعين
10_ شنيه اكثر شغله تزعجج بالبيت
اكثر شغلة تزعجني من انت تفوت ورجليك مو نظيفة واني دا انظف ومن ما تقبل تكوم من النت من نصيحك واحنا نتعشة او نتغدة

ها هيج مو اوكفي اني اعلمج هسا ابصطج وين ترحين مني

اني رجليه وسخه هوه رجلي تتوضخ من الكاع
اصلآ الكاع الي امشي عليها تصير نضيفه
بس اليوم اموتج

ههههههههههههههههههه يبوووووووووو عفية بيج انجل ناطق العسكري مال تماسيح رجلي وسخة والله عيب الله ايساعدج انجل على خيدر ايخرع اكبر واحد

هههههههههههههههههه ضحكو ويه مروه خطيه ساعدوها
اوكي انجل اليوم انتقم منج
1- شنو سويت بيج وره ماكتبتي عليه هيج
2- شنو جنتي تسمين الشكر وانتي صغيره
3- شنو كان اسم الاله الي جانو يلقبوج بيه وانتي صغيره هيه ترا تنركب هههههه
4- شلون كان شكل شعرج وانتي صغيره والصور شاهده عليج هههههه
5- رضاعتج جانت اصطناعيه لو طبيعيه
6- شنو جنتي تلفضين بغداد وانتي صغيره
7- شنو رأيج بالحب قبل الزواج
8- شنو رأيج بكلام الولد ويه البنت على الخاص
9- اذا حجيتي عليه شراح يصير بيج هههههههههه
10- اي افلام الكارتون تحبين تشوفيها
يلا جاوبي

انت ليش زعلت انت سالتني شنو اكثر شي يزعجج واني جاوبتك بمنتهى الصراحة
اوكي حيدر اسالتك عادية واي شي مابيهة وراح اجاوبك عليهة
1- شنو سويت بيج وره ماكتبتي عليه هيج
ما سويتلي شي سالتني ليش كلتي هيج واني كتلك انت سالتني اني شعلية
2- شنو جنتي تسمين الشكر وانتي صغيره
هذا شي عادي ومو عيب لان الواحد هو صغير اي شي يسوي واي شي يكول ماكو داعي لهذا السوال
3- شنو كان اسم الاله الي جانو يلقبوج بيه وانتي صغيره هيه ترا تنركب هههههه
اصلا ما اذكر انت اذا تعرف كولي لان اني يمكن ناسية ذكرني
4- شلون كان شكل شعرج وانتي صغيره والصور شاهده عليج هههههه
اي واني مو ناكرة هذا الشي كان يخبل تكول ماما مثل الذهب
5- رضاعتج جانت اصطناعيه لو طبيعيه
اكيد طبعية بس مو لفترة طويلة
6- شنو جنتي تلفضين بغداد وانتي صغيره
انت دا تكول وانتي صغيرة يعني شي طبيعي كلش ماكو داعي لهذا السؤال
7- شنو رأيج بالحب قبل الزواج

8- شنو رأيج بكلام الولد ويه البنت على الخاص
اني وجهة نظري عن هذا الشي اذا كان مبني على الصراحة والثقة شي طبيعي يكون لكل واحد بس الشي الي هوة موجود حاليا ولد يحجي عن نفسو وكانو ملاك والبنت نفس الشي فكلو كلام بلا معنى ومو صحيح
9- اذا حجيتي عليه شراح يصير بيج هههههههههه
ما سويلي اي شي لان اني ما احجي عن اخوية شي غلط
10- اي افلام الكارتون تحبين تشوفيها
ماكو فد واحد معين بس اني احب سالي ولحن الحياة لان قصة مؤلمة وحلوة
شكرا جزيلا على اسالتك

عفوا نسيت سؤال راي عن الحب قبل الزواج فد شي كلش حلو اذا كان مبني على الصراحة والصدق والثقة بالاخر واذا الواحد يختار البنت الي تسعدو وترضي اهلو ونفس الشي بالنسبة للبنت تختار الولد الي يسعدة ويرضي اهلة واذا كان هذا الحب نبيل وصادق مابي لا كذب ولا خداع واذا كان مو بس مجرد كلام بلا معنى او مجرد اوهام

اجوبتج مو صحيحه والله وتهربتي من نصها

هههههههههه والله حيدر غلط خليت انجل وياك بالمنتدى تكشفك على حقيقتك وانتة تهدد بيها ومتلحك عوفها خلي تحجي الصدك

هههههههههههه حلوة
ولله حيدر وكعت بأييد اختك ههههههه

تحيااااتي للكل

هههههههههههههههههههههههه اصلآ مكو شي ينكشف حتى تكشفو ياست مروه
لالالالالالالالالالالا اموره ماوكعت رجعي الى وره شوي وشوف اني شلون مدمرهم دمار ههههههههههه

ههههههههه ولله حقيقة اذا انتة مدمره مرجعتلك نفس الدمار هههههههههه

هاي كيفكم الحمدلله رجعو بالسلامة كل من بنت الفلوجة وابنة الاسلام ونور الشمس
واني ارشح بنت الفلوجة على كرسي الاعتراف

السلام عليكم كيييييييييييييييييفكم يا اعضاء واني موافقة ان ترشحون بنت الفلوجة

اووووووكي واني هم ارشح بنت الفلوجة

هاي شنو خواتي العضوات مسوين مؤامرة عليه بس ما يخالف اني ان شاء الله جاهزة لتلقي الاسئلة بس ما اوصيكم سووهة سهلة عليه واذا سؤال صعب اتركه هههههههههههههههه

يالله حبايبي اسئلو شنو تريدون تعرفون عني كعضوة او كفتاة

والله يسلمج حبيبتي انجل وشكرا الج لان فهمتي الاعضاء سبب غيابنا المفاجيء

اشكرج جزيل الشكر نيابة عني وعن خواتي ابنة الاسلام ونور الشمس

شو ماكو احد يسال شنو تعبتو من الاسئلة وينكم يا شباب وبنات يالله اني انتظركم

السلام عليكم هلو عيني بنت الفلوجة العفو ما سويت غير واجبي انتي لو بمكاني سوين مثل ما سويت واكثر
هاي شنو بسرعة لحكتي تبزعين لعد اني شكول ضليت شهر واني كاعدة علية عاد هو شلون كرسي تعبان والجو حار والنت مخبل شكلج مريت بظروف عصيبة الحمدلله تعديتوهة وجيتي انتي ورحتني وخليتيني اكوم عاد بزعت
هاي اسالتي الج ما اصعبة عليج
ماهي هوايتج المفضلة
ماهي الاكلة الي تحبيهة
ماهو لونك المفضل
من هي صديقتك المفضل بصورة عامة في المنتدى وغير المنتدى
موضوع تاثرتي بي واعجبك ماهو
ماهي نضرتك عن الحياة
امنية تتمنين انها لو تتحقق
ماذا كنتي تتمنين ان تصبحي
المنتدى المفضل لديك
ماهو هدفك في المستقبل
ان شاء الله تكون سهلة عليج وشكرا

وعليكم السلام اختي الغالية انجل واهلا بيجوراح اجاوبج عالاسئلة ان شاء الله

هوايتي المفضلة هي تصفح الانترنت لان ما عندي شي التهي بيه ههههههه

السمك المشوي بالتنور

اللون المفضل هو الاحمر

والله الحقيقة ما اكدر اميز عن وحدة لان كلكم حبايبي وغاليين عليه

والله اكو كثير مواضيع عجبتي وتاثرت بيها بس ما اتذكرهة كلهة

مثل مايكول محمد عبد الوهاب الحياة حلوة بس نفهمها

امنيتي انو يطلع اخوية عمر من المعتقل قبل زواج اخوية

كنت اتمنى ادرس طب بس الظروف حكمت علية وماخلتني اكمل دراستي

منتدى راوة طبعاً لان اني راوية ولان اول منتدى سجلت بيه اول ما صار النت عدنة

ان التقي بكل عضوات المنتدى وان التقي بيج مرة ثانية لان ما لحكت احجي وياج بيوم اللقاء الاول

وشكراً جزيلاً عالاسئلة الحلوة والسهلة يا حلوة

على كرسي الاعتراف - صفحة 11 326314

العفو شكرا الج على الاجوبة الحلوة والصريحة

السلام عليكم

ممكن اشارك وانطي اسئلة للاخت بنت الفلوجة