دروس خــصـــوصيـــه بالـخبــاثــــه

اليوم اقدملكم دروس عن الخباثه وأريد أشوف مستواكم بالخباثه وين
واصل.
واني لوما احبكم كلش كلش مجان أنطيتكم هذني الدروس.
بس شسوي لقلبي

هسه المهم نبدي بالمحاضره أو الدرس
(طبعا الدرس اهداء لرموووز الخباثه
الموجودين بالمنتدى ،
ويعرفوون نفسهم كلش زين وكاتب الموضوع أولهم.


وبــاقي الأعضــاء الخبثاء.

1_اذا جان شهر تموز ودرجة الحراره 76
وصايره معجزه وجايه الكهرباء الوطنيه
واخوك فرحان ونايم عالمكيف روح طفي المكيف
واشعل الصوبه
وانتظر خمس دقائق اذا مشفت فد شي لاستيك عيار 45 على راسك اني فلا
أسمي خبووثي.

2_هاي الحركه تمتاز بانه هي قويه وقاسيه وتسبب مرض السكر لعدة
اشخاص يعني مو واحد
اذا انت بره العراق او بالمحافظات الامنه وجوي جماعه من
العراق كعدو بنفس عمارتكم
انت بس عليك تعرف رقم تلفونهم وتروح لبيتكم وتخابرهم
وتكلهم :
الو احنه جماعه مسلحه استولينه على بيتكم احسنلكم
مترجعون.


3_روح على محطه بيهه غسيل سيارات وانتظر
يطلعلك واحد
بالماطور مالته وغاسله ويلمع روح عليه اول ميطلع
ووكفه وحط ايدك عالجامه مال
الماطور وسئله سعبيش.
واذا طلع حباب وكلك سعبيش طلع الساعه مالتك وكله ساعتك
متقدمه عشر دقايق.

4_اذا احد من عائلتك ديتفرج تلفزيون وفاتح الستلايت
ومندمج ويه المسلسله
انت روح طلع الريمونت الاحتياطي (اكيد اكو ريمونت احتياطي
ويه كل ستلايت)وحط بيه باتريات
وروح اختل وره الكرسي او وره البرده او الباب
المهم مكان مو بعيد عن التلفزيون
بعدين كل شويه طلع ايدك واكلب التلفزيون على
قناة الجزيره
ولتخلي كلبك يحن لمن تسمعه يلطم ويصيح ويفر راسه ميعرف منو اللي
ديكلبه انت ظل كلب لحد متخلص المسلسله.

5_روح للحمام فرغ علبة الشامبو وحط
بمكانهه ديتول.
(جنت أسويها وآني صغير).


6_اذا فد يوم طلبتوا اكل من
الكي افسي او ماكدونالدز بخدمة التوصيل
(ولو بالعراق ماكو هيج بطه تلعب شنااو ،
بس يلا هاي النقطه للمغتربين إذا يردوون يغيرون جو ويخبثوون)).
ويجيكم العامل
شايل العلاكه متروسه تزهو باللفات والوجبات فانت شتسوي.
وديهه العلاكه بالمطبخ
وطلع كل اللفات والوجبات والفنكر وحط مكانهه خبز وصمون
وصيح اهلك كلهم يلله اجه
الاكل تعالو تغدوا
يجون يفتحوهه يلكوهه كلهه خبز وصمون طبعا همه رح يتخبلون لان
دفعوا كومه فلوس علمود خبز وصمون.

7_لمن تروح عزيمه وتاكل وتخلص وتروح تغسل
ايدك افتح الحنفيه اقوى شي وعال مي الحار
وانتظره لحد ميجي المي الحار
كلش
وبعدين اطلع بلا متسد البوري وخلي نشوف اللي يجي وراك يغسل ايده شراح يصير
بيه..(وآني سويتها هلعيد براس وحده وحده كتكوته من كرايبنه).


8_اذا فتت
محل حلويات جرب كل الحلويات وبعدين اطلع ايدك فارغه ايد وره وايد كدام.


9_اذا انت بمكتبه جبيره وبيهه الة استنساخ روح عليهه وحط نسبة التصغير على
200%
وخلي عدد الطبعات المطبوعه خمسين او اكثر
وشوف الوراك شيصير بيه.



10_اذا اجاكم للبيت احد عنده ربو لو حساسيه اخذ البف باف ورش البيت
كله.

11_اذا اخوك عزم اصدقائه وراح سوالهم جاي انت روح عالكتلي مال الجاي
وحط بيه شطه
وانتظر شويه وهسه تشوفهم كلهم يسوون سباق اولومبي
للحمام


12_اذا عندك امتحان وكعدت تغش من صاحبك واجه عليكم المدرس كله
استاذ هذا يغش من عندي
واذا كدرت تشمر برشومه عليه يصير احلى
شي.


13_اتأخر عن المدرسه واذا وكفك المدرس اكعد احجي واظحك ويه
صاحبك
(بس اني معليه اذا فصلوك)آني سوويتها مرتين بالأعداديه وراها.........


14_واذا اختك دتكتب بحث مال الكليه صارلهه اسبوع وتعبانه عليه روح عليه
وامسح كلشي.
(وهـــاااي النقطه بعدني ما مطبقها ، لأن هيه ما واصله للكليه
بعد).

15_ من تشارك بالمنتدى وتضيف مشاركات وردود ، ضيفهن بلون الأصفر أو
نفس لوون خلفية المنتدى(بحيث كل شي ميبين .
يعني صيرو مثل خبووثتي
.

16_هاي الخباثه آني دائما أسخدمها بالجامعه وهو:
صديقك شايل موبايل أبو
الكاميرا ويريد يعبر الأستعلامات وميسلم الموبايل..
أنه شتسووي تحرك صاحبك
وتكوول لأبو الأستعلامات تره هذا الطالب أو الطالبه شايله موبايل وضامها لو
بالجواريب مالته(لو كان طالب) ، لو ضامها بالجنطه(لو كانت طالبه).


17.
الخباثه هاااي كلش مهمه ،
إذا جنت خبيث مو خبيثه ، وكاعد تحجي ويه وحده أبنيه
بالجات وحاطه صورتها كوللها أنتي محلووه
أبد وإذا هيه ما بيها مجال تكول عليها
محلوه
( لأن يمكن هيه حلووه ومتدكر تنكر هذا )
أقلها لاتكووللها أنتي
حلووه.
ونفس الحاله بالنسبه للبنات الخبيثات.



يلله هاهيه شلعوا
لبيتكم خلصنه اتمنى تكون الدروس عجبتكم


وهذا مثـــال عن النقطه رقم 15
.هع هع هع هع



صدك نسيت اكلكم قيمة الدرس خمسة الالاف دينار.[/size]